Mga Singgit sa Akong Lapis
Sinulog
27/01/2012 14:49
Matingkad ang saya sa mga lansangan
Na sa makukulay na parada’y dinaraanan
Hindi alintana ang init ng araw o ulan
Tuloy-tuloy ang sayawan, galak at tugtugan
Ngiti ng bawat mukha ang makikita
Sa sayaw iniaalay ang pasasalamat
Sa bawat indak dala ang isang pag-asa
Ang dasal sana’y dinggin at ipagpapala
Walang pagod ang nararamdaman
Bawat luha ng ligaya, puso ang pinagmulan
Sadyang batubalani ang angkin Mo’ng kalooban
Sto. Niño, binihag Mo ang sangkatauhan!
(written for school requirement of Junrie Ceballos)